الطائر المجروح عضو مميـــــــــــز بمنتدي العائلة
عدد المساهمات : 54 تاريخ التسجيل : 07/03/2011
| موضوع: موضوعنا اليوم لبناتنا الحلوين موضوع لكل بنت في فتره الخطوبه الأربعاء مارس 16, 2011 2:29 pm | |
| الموضوع مكون من بعض النصائح الغاليه لكل بنت عايزه تعيش
آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى
مثوااااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....
3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..
5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..
6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..
7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت باابااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقتي..
8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي
ياحبيبتي من نظام التفتفة للبذر.. إنسي....
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا قدامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي
وبا بالهناء والشفاء
وربنا معاكى بقى
اوعـ تموت من الضحك
يارب يعجبكم
| |
|
M@XIMOUS المـديـــر
عدد المساهمات : 1100 تاريخ الميلاد : 21/03/1990 تاريخ التسجيل : 05/03/2011 العمر : 34 الموقع : https://myfamilly.yoo7.com/ المزاج : الحمد لله زي الفل
| موضوع: رد: موضوعنا اليوم لبناتنا الحلوين موضوع لكل بنت في فتره الخطوبه الأربعاء مارس 16, 2011 3:23 pm | |
|
انا عن مش هقرأ الموضوع دا لان انت بتقول
ان الموضوع للبنات بس
وانا مش بحب التجسس دا
| |
|
sara sa3d القلم المتألق
عدد المساهمات : 265 تاريخ الميلاد : 12/12/1992 تاريخ التسجيل : 10/03/2011 العمر : 31 الموقع : https://myfamilly.yoo7.com/ المزاج : الحمد لله 100 / 100
| موضوع: رد: موضوعنا اليوم لبناتنا الحلوين موضوع لكل بنت في فتره الخطوبه الأربعاء مارس 16, 2011 3:34 pm | |
| ههههههههههههههههههههههه عقبالك ياطائر لما خطيبتك تنيل عيشتك ان شاء الله وتنفذ كل النصايح اللي انت بتقولها دي بس يعني ممكن اننا نستعملها في حالة واحدة لما نكون عاوزن نطفش العريس ههههههههههههههههههه
| |
|
واحد من الناس نائب المدير
عدد المساهمات : 550 تاريخ التسجيل : 06/03/2011 الموقع : https://myfamilly.yoo7.com/
| موضوع: رد: موضوعنا اليوم لبناتنا الحلوين موضوع لكل بنت في فتره الخطوبه الأربعاء مارس 16, 2011 3:39 pm | |
| وربنا اقتلها واخش فيها السجن مش مشكله
السجن احسن من ال هى بتعمله ده
بس اما ابقى اخطب بقه
هانت كلها 50/60 سنه ان شاء الله | |
|
حياه الروح نائبة المدير
عدد المساهمات : 899 تاريخ الميلاد : 05/04/1990 تاريخ التسجيل : 14/03/2011 العمر : 34 الموقع : القاهره المزاج : تمام الحمدلله
| موضوع: رد: موضوعنا اليوم لبناتنا الحلوين موضوع لكل بنت في فتره الخطوبه الثلاثاء مارس 22, 2011 8:51 am | |
| ايه التعب ده كله ما ناكل في البيت وخلاص
| |
|