حياة الشباب...والطريق نحو اثبات الذات فى الحياة !.....!

حياة الشباب...والطريق نحو اثبات الذات فى الحياة !!

حياة الشباب بين دلع الشات واثبات الذات

دلوقتى معظم الشباب منفض لحياته خالص ...مقضيها نت وشات واخر دلع

وبيكلم خمس ست سبع بنات كل يوم ع الشات وياريتهم بيتكلمو فى حاجة هادفة

كله كلام من النوعية دى

.....

ولد: ازيك يا قمر ممكن نتعرف؟

بنت: ممكن

ولد : انا احمد وانتى؟

بنت : نانسى

ولد : وااااااااو اسمك جامد .....انتى كام سنة بقة يا نوسة ؟

بنت : 18 ...وانت ياقمر ...صحيح انت بتدرس ايه ؟

ولد : انا 18 سنة بردو كلية تربية شعبة علم نفس وانتى؟

بنت : انا اداب اعلام

ولد : اه اسمك بردو يقول كدا

بنت : ثبتنى يا واد

ولد : لأ بجد دى حقيقة ..اكيد انتى قمر زى اسمك وشكلى هحبك

بنت : قولتلك يا واد متثبتنيش

ولد : يابت دا انا حبيتك

بنت : انت فظيع بجد

ولد : وانتى عسل ...هاتى ايميلك بقة

........................

وهكذا ........

الولد دا بيكرر العملية دى حوالى عشر مرات فى اليوم

والبنت اى حد يكلمها هى اللى تثبته وبتكون عاملة نفسها خضرة الشريفة

وهى دى بقت حياة معظم الشباب بدل ما يثبتو نفسهم ويشتغلو او يفكرو فى مستقبلهم

بقت كل حياتهم .... هجص وتثبيت بنات ع الشات ودا كله علشان ياخد ايميلها ويكون جنب

ايميلات البنات التانية

عاوزكم تشتركو معايا وتقولو رأيكم

ايه رأيكم فى الشات؟

ايه رأيكم فى النماذج اللى شايفنها ع الشات والوقت اللى بيضيع دا كله؟

ادمان الشات واثبات الذات هل يتوافقان؟

ههههههههه

والله ياواحد هو دا اللي الشباب فالحين فية اليومين دول
كل واحد عاد همة كلة انة يفتح الكمبيوتر علشان يتشات هو واصحابة
ويستني البت بقي لما تيجي من الجامعة
علشان تقعد قصادة علي الشات
بحجة اني اية
بذاكر يبابا علي الكمبيوتر
وبعمل بحث مهم جدا
علشان الامتياز بتاعي
موضوع مهم جدا جدا يواحد
ومشكلة فعلا في الجيال الغد والنهاردة
مش لاقين لها اي حلول

والله هو ده بالظبط ال بيحصل ياخت ساره

مع الكل الا من رحم ربك

ومش عارف ممكن يكون ده ايه عيب تربيه مثلا من الاب والام ولا الشباب حاسس بنقص ولا ايه مش عارف

وممكن يكون الشاب ال بيعمل كده موهوم بالبنات مثلا

والله ربنا معانا ومع الشباب

شكرا ساره على مرورك