موضوع ملهوش اى لازمه بس هى رخامه بقي

بسم الله الرحمن الرحيم


السلام عليكم ورحمـة الله وبركـاته

..
..

هقول كام سطر بسرعة ببساطة وبإختصار شديد

قبل ما نكتب اى موضوع او رد بيكون ايه هـدفنـا ؟ أننـا عايزين نزود مشاركتنا
او عايزين نلفت النظر او ابتغاء شهرة المنتدى ..او انتصار شخصى لانفسنا .. او حتى عايزين نضـيع وقت ..



طيب تعالوا نشوف مثال عمـلى
ندخل اى منتدى فى اى قسم
(مش عايز احدد عشان محدش يزعل ويفتكر انها مسألة شخصية)
ونشوف كمية المواضيع التى بلاقيمة التى تغرق المنتدى
وبعضها مثبت و5 نجوم و و و ألخ ..

عدم قيمة هذه المواضيع تتفاوت ..
فمثلاً هناك مواضيع تافهه بالإجماع وكلنا نشترك فى معرفة هذه النوعيه
( بلا ذكر امثله حتى لا تتصادف وتتطابق على موضوع احد ويحسبها مسألة شخصية )

وهناك مواضيع بلاقيمة وهى الأخطر والاكثر انتشاراً وسبب انشاء هذا الموضوع
وهى المواضيع التى بلاقيمه ولكن .. فى ظاهرها انها ذات قيمة
ولكن الموضوع يتكلم فى موضوع محسوم اصلا
مثال : ( هل ترضى ان ابنك يشرب سجائر ؟)
طبعا هذا مجرد مثال من وحى خيالى على مثال لموضوع فى ظاهره انه مهم
وفيه مناقشة ولكن المسألة اصلاً محسومه ولا فائدة ولا اثراء فكرى !
لا على صاحب الموضوع ولا الأعضاء اذا هو بلا قيمه ولا نستفيد منه إلا تضييع الوقت !


ايه رأيكم نعمل مقياس لكل موضوع نكتبه او ننقله
ولأى رد نكتبه ؟

- ماهو الهدف من الموضوع (فى الدنيا والآخره ) ؟
- هل الموضوع لـه قيمه حقيقية وسيحدث منه ثراء فكرى وفائده عامه أم لا ؟
- ماهى الفائده العائده علي انا شخصياً من الموضوع او الرد (فى الدنيا والآخره) ؟
- ماهى الفائده العائده على الأعضاء والمجتمع من الموضوع او الرد ( فى الدنيا والآخره) ؟
- ماهو الضرر العائد علي انا شخصياً من الموضوع او الرد (فى الدنيا والآخره) ؟
- ماهو الضرر العائد على الأعضاء والمجتمع من الموضوع او الرد ( فى الدنيا والآخره) ؟
- نقارن الأضرار بالفوائد ونرى ايهما كفته راجحه وننفذه .. لاننا بكلمه واحده يمكن ان نلقى فى الهاويه
قال صلى الله عليه وسلم ( إن الرجل ليتكلم بالكلمة لا يلقي لها بالاً يهوي بها في جهنم سبعين خريف )


وتذكر دائمـاً اولاً وأخيراً
[ اكتب ما يفيدك عند مماتك وفى قبرك ويوم الحساب ]


هل مواضيعك وردودك
تفيدك عند مماتك وفى قبرك ويوم ان تحاسب ؟؟