حكاية شعب..............

لا تقولوا عني صغيرة ....
مش فاهمة إللي صار
ولا إللي عم بيصير
اسمعوني وافهموني

***************

بدي أحكيلكن عن شعبي
عن الشوك المزروع بدربي
هادي حكاية شعب
تعملق بجمر الصعب

***************

مش طالبة جمهورية أفلاطون
ولا كنوز ودهب قارون
بدي لشعبي حرية
وعيش كريم ومضمون
لا منّة ولا هدية
دمنا مطرز الحيطان
هادي صرخة لازم ضمير العالم يصحى
ويعدل الميزان

****************

ومهما يطول الليل
وجيل بعد جيل
شعبي مجاهد ....
ومن حقه تحقيق المصير
زتونا صار يعصر دم
وصبرنا صار لقمة هم
وماتوا كبارنا بالشتات من الغم
وشعبي صامد ....
ليوم النصر والتحرير

****************

نيرون يا نيرون
تعلم يامجنون
الدرس ....
عن سنة الكون
حتى لو أحرقت روما
وماضل فيها بيوت
وعملت ألف ناكازاكي
ومليون هيروشيما
وزرعت في كل بيت تابوت
عُمر الشعب مابيموت
عُمر الشعب مابيموت