الرومانســــــــــــي علي كرسي الاعتراف

السلام عليكم ورحمة الله وبركاتة

اهلا ومرحبا بكم من جديد واسبوع مثير جديد
ومع عضـــــــــــــــو جـــــــــــــــديـــــــد
علي كرســـــــــــــــــــــــــي الاعتراف







عضـو مميز في مشاركاته وردوده المميزه وله بصمة واضحة في منتدي ماي فاميلي المتميز بكم



بأخلاق رائعه .. فرض احترامه بتواضعه وابتسامته التي لا تفارقه .

اصبح له علامه مؤثره بين شباب منتدبات ماي فاميلي

من خلال اسلوبه الراقي وعقله الناضج

..................................................................

انه باذن الله سوف يودي مناسك العمرة في اسبوعنا الحالي

وكانت مناسبة عظيمة جدا نتشرف بة امامنا جميعا


استطاع بأخلاقه و تعامله الراقي مع الجميع أن يكون قدوة

من باب الأنصاف وليس المجامله يتميز



لن أطيل .. وأترك لكم .. هذا الموضوع ..
للكشف عن الجانب الذي لا نعرفه عن ضيفنا الغالي
الذي إستحق بجدارة وبطلب جميع الاعضء الكرام
بأن يكون ضيفنا على كرسي الاعتراف
للمـــــــــــــــــــــــرة الثانية

** طير فــــــــ احمد الرومانسي ــــــــي السما **


مرحبـاً بـك اخي العزيز
وأهلاً وسهلاً بك في " كرسي الإعتراف "


وقبـل أن نتركـك مـع اسئلـة "الاعضاء"


تفضل بذكر البطاقة الشخصية





** طير في السما **

نتمنـى لك قضاء أسعد الأوقات
فـي " كرسي الإعتراف "


اتفضلوا إخواني الاعضاء الساحة لكم لكي تطرحوا عليه الأسئلة لمدة أسبوع.

....في إلتزام وبدون حرج...

اخوكم في الله

[/color][/quote[/center][/size]

ايه المقدمه الرائعه دى يا ماكسيموس بجد تحفه جدا

وفعلا

الرومانسى يستاهلها ويستاهل اكتر كمان لانه فعلا اخ ليا وشخصيه اكتر من رائعه وربنا يوفقك فى الكرسى الجديد ويكون مريح

ماكسيموس جيبلك كرسى جديد لانج يارب يريحك

وعمره مقبوله انشاء الله ومتنساش دعوتى وترجعلنا بالف سلامه وتكون مستعد

بس احنا مش هنعتئك ههههههههههههه

ربنا يقويك بقى لان شكل اكل كده ناويلك هههههههه

هههههههههههههه اوبااااااااااااااااااااااااااا الكرسى فضح الدنيا اللى مخبينه من زمان الكرسى فضحه يلا خير يا اخ رومانسى ربنا يقويك دا انت هتشوف اسئله نااااااااااااااااااار بس انت قدها وانا عارفه واهم حاجه الهى يخليك الدعوه الللى قلتلك عليها اوعى تنساها عشان املى عليك بعد ربنا وعاوزه كل اللى هنا يدعولى انها تتحقق انى اجيب ان شاء الله 2 بنات 2 ولاد تواءم والاهم الشكل يا جماعه فى الدعوه مش عاوزين فرق يلا بقى انا جايه ارغى عند الرومانسى هيطلع روحى كدا يلا ربنا يقويك وعمره مقبوله ان شاء الله

يسلام ياطير منور الدنيا والله

انا داخل النهارده بس مش هسألك اول يوم كده علطول انا بس برحب بيك على الكرسى ومنور الدنيا والله وربنا معاااااك

قبل ما انسى بالله عليك متنساش تدعيلى وانت هناك ان ربنا يوفقنى ويكرمنى وينجحنى

بالله عليك لا تنسىىىىىىىىىىىىىىى

هلا ايمان واللا دخيلوو انا اللهجه الفلسطينى بحبها كتيير بنت عمى
هههههههههههههههههه
الكرسى مرتاح اوووى والحمد لله شكله ماكس جايبه نقاووه ..
نجاوب بقا على الاسئله الجميله يا بتاعت البرشا انتى هههههههههه:

كيفك ؟؟؟ شوو اخبارك؟؟

والله الحمد لله تمام اوووى وخاصة بعد العمره دى عقبالكم كلكم ان شاء الله

ليش بتشجع ريال مدريد قتلتني هو في حدا لهلأ بيشجعهم :@ :@ ؟؟؟

بشجعه لانه هو اعظم نادى ف القرن بشهادة الجميع وبشهادة الفيفا وبعدين انا بشجعه من فتره من ايام لويس فيجوو وزيداااااااااان وراؤؤل والناس الجامدين دوول الى زى العسل وبعدين هو نادى جميل بكل معنى الكلمه وعلى فكره هو اكتر اندية العالم شعبيه لحد دلوااتى وبس.

مين اكتر لاعب بتحبه في اوروبا وفي مصر ؟

اكتر لاعب بحبه فى العالم طبعا كريستيانوو رونالدوو الاسطوره وفى مصر بركات

كم اخ واخت لالك ؟ وقديش ترتيبك بيناتهم ؟

انا يا ستى معايا اخين غيرى نبقا تلاته انا وسطهم وكلنا صبيان والحمد لله ههههههههههههههههه

شوووو هواياتك ؟؟
بحب اقرا ف كتب التاريخ اوووى - بلعب كور كمان وبتفرج عليها اكيد -
وكانت هوايه بس تركتها شويه انى بكتب قصص وروايات ..

اى خدمه يا بتاعت البرشا انا تحت امرك فى اى سؤال ههههههههههههه

انت الاجمل يا ماكسيموس ربنا يخليك يا باشا

بس اسئلتك صعبه اووى وجايه ف منطقه كلها الغام ههههههههههههه

بس امرنا لله بقا نستحمل الكرسى وعذابه عشان خاطر عيونك وعيون كل الموجودين



1 / الغربة
اية اللي كنت بتفكر فية وانت في الطيارة او وسيلة المواصلات اللي سافرت فيها ؟؟
كنت بفكر اكيد ازاى اقدر اثبت نفسى ف الشغل الى حكون فيه واقدر احقق احلامى ازاى وياترى ممكن الدنيا تسعدنى كده وانجح ف الغربه كويس وكنت بفكر ف الانسانه الى كانت وقتها معايا وانى انجح عشانها كمان وبس.

اية احساسك في اول يوم في الغربة ؟؟
احساس بخووف من الشغل وطبيعه الناس الى حتعامل معاهم دنيا تانى اكيد ومصاحب الاحساس ده امل كبير ف ربنا انه ممكن كل الامور تبقا خير ان شاء الله

اية احساسك في اول مرتب حصلت علية ؟؟
ههههههههه بينى وبينك بس اوعى حد يكون سامعنا فرحت بيه اووى اكيد لانك تحس انك بقيت اول خطوه ف حياتك العملهي الجاده .

ياتري كنت بتفكر في والدك اي تفكير ؟؟
والدى طبعا بجد كنت بفكر ازاى اقدر اعوضه عن تعبه معايا وان يفتخر بيا بعد كده قدام اى حد واتمنى انى انجح ف كده

اية اكتر وقت كنت بتتمني انك تكون جابن والدتك ؟؟
اكيد لما اكوون زعلان ولا كمان لما بدا احساس الغربه والوحده يدخل جوايا

هل تتمني ان لو عاد بك الزمن كنت تفكر في انك لم تغادر وترحل ؟؟
بصراحه اااااااااه لسبب معين بس.


2 / مصر
اوصفلي حبك لمصر بلدك ؟؟
بحبها اووووووووى وتعرف قيمتها اكتر بجد لما تبعد عنها تعرف قد ايه هى عظيمه وبجنلها اووى بحن لشوارعها ونيلها وصحابى واهلى وكل حاجه فيها حتا اكلها وشربها وحزنها وفرحها كل حاجه بجد

كنت متابع اخبار مصر الايام اللي فاتت ؟؟
]b]طبعا اكيد من النت والتلفزيوون علطوول حتا ف الشغل لدرجه انه الكل لاحظ كده بس الحمد لله عدت على خير[/b]ر

اية تفسيرك للي حصل في مصر الشهرين اللي فاتو ؟؟
ده كان مفروض يحصل من زمان وحاسس برووح جميله اووى وحاجات وقيم رجعت للشعب المصرى كانت الناس قربت تفقد الامل فيها لاكنها طلعت موجوده اووى وااننا شعب عظيم ممكن يسكت عن الظلم لاكن مش علطوول وانه الدنيا دى بجد ملهاش امان ومدام انت ظالم جايلك يووم جايلك متقوليش انك حتهرب منه وتحيه بجد لكل واحد شارك ف الثوره دى

ياتري لو كنت في مصر كنت وقفت في ميدان التحرير ؟؟
طبعا من اول يووم 25 والله انا من هنا ع النت كنا بندخلل ف حوارات ونقاشات جامده وكنت بقوول لازم نقوول كفايه بقا حتا لو محصلش حاجه بس نوصل صوتنا والحمد لله وصل صوتنا وكل الى كنا عايزينه تحقق لدرجه كبيره

كنت بتقول اية لاصحابك عندك لما الثورة نجحت ؟؟
احنا مثلا عندنا ف الشقه كنا فريقين واحد شايف انه مش حيحصل حاجه وحتعدى زى اى حاجه قبلها وواحد تانى كان قايل لا والله المره دى ف حاجه مختلفه وده انا كنت منهم فطبعا بعد محصل ونجحت الثوره خدوا كلام مننا ما يعلم بي الا ربنا هههههههه وبجد كله فرح حتا الناس السعودين كانت بتبارك للواحد كان بيحس بفخر كده وبعزه بجد من زمان والحمد لله بس زادت اووى .

ياتري اية المواصفات اللي تتمناها في رئيسك الجديد ؟؟
]b]انه يهتم بالتعليم اوووى ويعمل اى حاجه عشان يخليه رقم واحد ف اهتماماته عشان كده كنت بتمنى احمد زويل للبلد وانه كمان يبص للشعب مصر فيها خير كتير بس نحاول نوزعه صح على الناس وانه يخلق ف الشعب رووح الحب وانه يحسس كل واحد انه هو مسئول عن البلد وعمل حاجات كتيير لايسع المجال لزكرها .[/b]

هل توافق علي تطبيق الشريعة الاسلامية في الاحكام ؟؟ ولماذا ؟؟
بصراحه مينفعش للاسف ف مصر بس مش معنى كده نهمل الدين لا نهتم بيه اووى ونحاول منعملش اى حاجه تكون ضد الشريعه بشكل واضح

انا سعيد باسئلتلك الى زى العسل يا ماكسيموس واتمنى اكون جاوبت بشكل كويس

منووره تاني يا عاشقة البرشا

في 4 مباريات كلاسيكو ابتداء من السبت تتوقع ريال مدريد يفوز بكل المبارايات ؟ او برشلونة يحسم كل المباريات ؟ او البارسا راح تفوز وتخسر ومدريد راح تفوز وتخسر؟؟؟ شو توقعاتك للكلاسيكو؟
ان شاء الله توقعاتى انه الريال حيكوون ف تحدى كبير مع البرشا وتوقعاتى الى على قدها انه دورى الابطال الريااال حيكسب ان شاء الله لانه بالنسباله تحدى مع نفسه خاصة انه فرص الدورى ضعيفه عنده وبعدين الفريق صفوفه كامله يعنى كسبانين كسبانين باذن الله

فكرك ريال مدريد تحسن اداءه عن الكلاسيكو اللي فات ؟؟ (انا بشوف تحسن )
طبعا تحسن مفهاش كلام

هلأ الدوري تقريبا محسوم للبارسا تتوقع ابطال اوروبا يكون من نصيب البارسا كمان؟؟ او ريال مدريد ؟
]b]لالالالالالالالالالالالالالالالالالالالا الريال ان شاء الله[/b]

لعيبة البارسا افضل لعيبة ع مستوى العالم ومش بقولك ولا بقولي ( بويول وبيكيه انيستا تشافي ميسي فيا) 6 لعيبة الدفاع وخط الوسط والهجوم انت شو رايك بلعيبة البارسا؟؟؟
]b]يعنى عشان مبقاش متعصب وخلاص طبعا لعيبه مفيش بعد كده وخاصة مسى الى بحترمه بس الريال برضه فيه قووه ضاربه على مستوى العالم وحدث ولا حرج كريستيانو رونالدو وكاكا وكريم بن زيما و اوزيل وادبايوور [/b]

قلقان من الكلاسيكو وخايف انه البارسا يحسم كل المبارايات ؟ ولا عندك ثقة انه مدريد هالمرة راح تحسم؟ ( انا عني قلقانة رغم ثقتي العمية بالبارسا والكلاسيكو اللي فات كنت واثقة كتير من البارسا بس كنت قلقانة بنفس الوقت )
اكيد القلق موجود لانه برشلونه نادى كبير بس فيه ثقه المره ديت ان شاء الله

تتوقع لو خسر مدريد كأس اوروبا وكان الكأس من نصيب البارسا ياترى مورينيهو راح يعتزل ولا راح يغادر مدريد ؟ او راح يبقى وما راح تفرق معه ؟ نفس السؤال لو خسروا بتتوقع كريستيانو يبقى مدريدي؟
مورينيو اكبر من انه يعتزل عشان بطوله ولا اتنين ده اعظم مدرب ف العالم
وكريستيانو انا شايف انه هو عشق النادى دلوقتى مش مجرد انه بياخد ملايين بس
فمش حيسيبه لو تعرض لاى ازمه

اخيرا بتمنى تخسر ريال مدريد ويفوز البارسا حابة اعرف شو رايك بمدريد وقتها
كل واحد يتمنى فريقه يكسب اكيد بس ان شاء الله تتهدوا ويكسب الريال ههههههه
والريال لو خسر طوول عمره حفضل اشجعه ايه رايك بقا

تقبلنا تحياتك ولكى منا مثلها وزياده ونتقابل بعد الكلاسيكو

منوووره يا ساره باسئلتلك الجميله وربنا يعينا بقا هههههههههههه


كلِمه خفيفه يُقدِمهآ طير في السما إلى منتدي العائلة ,,
]b]ياااارب يستمر زى مبدأ قوى كده ومشاركات فعاله بكل الاعضاء الحلوين الى فيه
[/b]

وكلِمه لِمن لمِ يُشآرك معنآ في المُنتدى ,,
ياريت تهتم انك تساهم باى حاجه نقدر كلنا نستفيد بيها ف اى حاجه انت بتحبها


- أفضل قرار إتخذته في حياتكـ؟؟
امممممم انى اغير من نفسى وقدرت ايامها


- موقف أسعدكـ ولم تنسااه؟؟
نظره من عنين


صفه متواجده في مجتمعنا تكرهها؟؟
الخيانه

-أيه المكان اللي ترتاح له كثير ؟؟؟
مدينتى وتحديدا على نيلها

- حكمة رأيت انها ارتبطت بحياتك كثيراً ؟؟؟
ما حك جلدك الا ظفرك فتولى انت جميع امرك

- شيء اتعلمتهـ من الحياة عمركـ ما تنساهـ ؟؟؟
انى ازاى اقدر اخبى دموعى ف وقت مش محتاجين فيه دموع على قد ممحتاجين حد يقدر يتصرف كراجل

- ماهو الشي الذي امامكـ ولكن صعب الوصول اليهـ ؟؟؟
كتييييييير

- كلمة وجهت لك وكانت لها تأثير بحياتكـ ..؟؟
كفايه لازم تبص لمستقبلك

- هلـ صحيح ان ألحـبـ و ألحزن توأمـآن ..؟
مش دايما لو ف فراق ف حزن ولو ف ارتباط ف سعاده

-هل الإبداع يولد من رحم المعاناة ؟
طبعا واكيد وزى مبيقولوا لولا الحاحجه ما ولدت المعرفه

- برأيك ماالذي يدوم (الح ـب أم الصدآقة) ..؟
ولا ده ولا ده بس مش علطوول

- ماالذي تكرهه فالمرأة ..؟ وماالذي تنتقده في الرجل اليوم ؟
اكره ف المراه وليس كل المراه ضعفها .... والى بنتقده ف الرجل اليوم بقوا اكتر سلبيه ف مواضيع كتير

- هل تؤمن بشيء اسمه لغة العيون ؟
هههههههه ده تخصصى طبعا اؤمن بها وشايفها ربما تكون صادقه اكتر من الكلام

- مـآآهي [ اغلى ] هديـه تلقتهـآآ ؟!..
تشيرت ههههههههههههههه

- مـــــــارأيك بهذه العباره(قمه التحدي ان تبتسم بينما ينتظر الاخرون منكـ البكــــاء)
طبعا بس الى يقدر يعمل كده يبقا عظيم

- مالفرق بين الحــــــــلم والخيــــال من وجهه نظركـ ؟؟
الحلم ممكن يتحقق ف وقت قريب بس مش بايدينا من عند ربنا او من شخص تانى
ربنا باعته لينا وممكن ايدنا برده بس مش قادرين نعمله. ام الخيال انه دماغك تاخدك شويا لحاجات متتصورش انها ممكن تحصل وهى فعلا دلوقتى مستحيل تحصل لاكن ف المستقبل البعيد بتكون حقيقه

-شي عايز تغيره بحيآتك..!
الخوف من المستقبل

- الاكله المفضله ؟
ههههههههههه الباميه باللحمه

- اجمل الايام لديكـ ؟
برتاح للخميس مش عارف ليه

- ماهو شعوركـ عند دخولك اول مرة الي الانترنت؟
[ color=red] الى فاكره انى كنت فرحان لانه فاكر اى حاجه حتتلاقاها هنا هههههههه[/color]

- ورده بيضاء اللون تحب تهديها لمين؟
لكل الموجودين هنا

- مااكتر شيء يفرحك في حياتكـ؟
لما اعرف انه حد بيحبنى من غير ميكون عايز منى اى حاجه

- هل تحب قراءة الشعر؟ ومن شاعرك المفضل؟
بحب طبعا بس العادى يعنى .. كنت بقرا لاحمد شوقى شويا
- لكل انسان امنيات ودائما يحلم انه سوف ينالها ..مااهي امنياتك بالوقت الحالي ؟؟؟
ابقا بيزنس مان كويس ان شاء الله ، وزوجه صالحه اكون بحبها وهى كمان ،، اخلى اهلى فخورين بيا وقبل كل ده طبعا رضا ربنا عنى


- كل منا يخطء بحياته ..ولكن منا من يواجه بااخطاءه يكون جرئ ويستطيع الرد عليها بكامل سيطرته ..ومنا من لا يتمنى هذا الموقف
لانه يخشاه..ايهما انت ؟؟؟؟
انا بقول اخطائى وبكل صراحه بس لو بينى وبين شخص واحد بقدر ارد وبكل صراحه لاكن لو فيه جمع من الناس مش بحب ابان انى انا غلطان اووى زى اى حد يعنى فبرد برده بس ممكن يكون هروب لاكن لو الموقف محتاج الصدق والجد حرد طبعا والى يحصل يحصل

- متى تبتسم ..؟؟؟ويارب دائما
لاقل حاجه حلوه او موقف ممكن ابتسم
- متى تبكي ؟؟ يارب يبعد عنكـ البكاء
لو حسيت انى مش قادر اساعد حد بحبه ولو حتا نفسى

- اية رأيك بالتالي

بعد المسافه؟؟
فراق برده والم وبيقولوا ممكن تبعد القلوب بس مجربتش
بعد القلوب؟؟ اصعب احساس حتا لو كنتوا جمب بعض
الفراق؟؟ اصعب ما ف الوجود لو لشخص حى كمان ممكن يكون اصعب من انه لشخص فارق الحياه لانك ازاى تبقا عارف حد بتحبه موجود ومش قادر تشوف عنيه ولا تشوفه ولا تحسه ولا يحس بيك

الدنيا؟؟ لو عرفنا نستغلها ممكن تبقا حلوه اووى والعكس بس ف النهايه هى ولا حاجه

الوحده؟؟ فظيعه هى الى بتخليك تبكى من قلبك على اى حاجه من زكرياتك ولا مستقبلك

الظلمه؟؟ الظلمه انا بحبها هههههههههههههه بس مش علطوول
النهار؟؟ بنعيش فيه بالجسد بس شغل واكل وحياه وخلاص
الليل؟؟ بعشقه خاصة لو فيه حد قريب منك ممكن تفضفض معاه

- من هم الذين يخافون عليكـ ؟ مش كتير بس الى بيحبونى من قلبهم

وانت ممن تخاف؟ لو شخص مش بخاف من حد والحمد لله ولو حاجه بخاف من المرض

وعلى من تخاف؟ على اهلى واصحابى واحبابى

- لمن تهدي ثقتك ؟؟ لناس ع الفيس واصحابى

- STOp لمن تقول يكفي ؟؟ لجراحي

_كيف تقيم نفسكـ في الفترة الأخيرة ،؟ امممممم تقدير جيد

هل أنت قوي ، صبور ، واثق بنفسك ؟
قوى بنسبه كويسه بس مش صبور والثقه الحمد لله

-ماهو تعريف الأهانة في قاموس طير في السما ؟
انك تجرح حد ولو بمجرد كلمه ممكن متاخدش بالك منها بس بتسيب ف نفسه اثر كبير والجرح بالكلام ممكن يالم ويبقا اهانه اكتر من اى فعل

ومتى تجد نفسكـ مهانة ؟
من اى تصرف يسوء لى من ا ى شخص ومن اى كلمه تجرحنى


# وكيف ترد على الأهانه؟؟ باهانه مثلها للاسف

هل مر عليكـ يوم كرهت فيه الحياه ولماذا ؟
كتير لانها بتبقا ضيقه اووى ف وش الواحد بس بتعدى والحمد لله

- الى ماذا تطمح في هذه الحياة : الحب ,, الشهره ,, المال ؟؟
الحب

نصيحه من والدك او من اي شخص اخر تعتبرها منهج في حياتك الى هذه اللحظه؟
لوالايام اخدتك عن ربنا وبعدت عنه حاول بكل طاقتك متنسهووش وترجع بسرعه ليه ومتقولش مش حيسمعلك لا حيسمعلك لانه بيحبنا وحيغفر لنا بسرعه

كلمه سمعتها ودايما على بالكـ ولاتقدر تنساها ؟
امممممممم فى بس سبشييل

قلم وورقة بين يديك ماذا سوف تكتب من مداد حبره على سطور تلكـ الورقة ولمن؟
]b] الى رووح اخى الغاليه[/b]
قائلا: لكى يا اعز روح انسان عندى اذا كنت فارقت بجسدك قروحك باقيه وبجد بحبك من كل قلبى ونفسى اشووفك واحشنى اووى ونفسى اشوفك وسامحنى وبس


كم عمركـ على النت؟ 7 سنين

مامعنى كلمة الخيانه في نطرك؟ وهل مررت بتجربه نهايتها خيانه ؟
الخيانه انه حد يامنلك على رووحه ونفسه وانت تخدع من ناحيه تانيه وتطعنه ف ظهره ..... والحمد لله مفيش اى تجربه مرت عليا

من اول قلم اعجبك في المنتدى
ماكس
لمن تعطي هذه الالقااااب

القلم الذهبي ساره

عضو ما في منه اثنين مونى

عضو تحب متابعه مواضيعه حبيب الروح وايمان

متى يكون نسيناكم سعيدا ومتى يكون حزينا ؟
سعيدا لو نسيت حاجه صعبه مرت عليا وحزينا لو نسيت زكريات جميله اتمنى ترجع تانى
ورده حمرااااء لمن؟
للى ف بالى ههههههههههههه

مامعنى كلمة الصداقه في نظرك ؟
انى لو غبت عنه يطمن عليا ولو قربت منه يهتم بيا وانه يساعدنى لو احتجتله ويسمعنى لو شكتله


شي في حياتك تعتز به ..؟؟
ثقة كتير فيا

ماهي نقطة ضعفك؟؟
انى بدى ثقتى علطوول ومش بنتظر النتيجه

ماهي نقطة قوتك؟؟
بيقولوا الاقناع

موقف تأثرت منه كثيرا؟؟
وفاة اخويا

ياااااااااه خلصت الحمد لله
بس والله اسئلتك يا ساره بجد رووووعه هى طويله حبتين بس زى العسل برده
بس مخلتيش حاجه لحد بعدك هههههههههههههههه
ومشكوره على مجهودك ومبدعه دائما ان شاء الله

والله انا مش بحب اتعب حد واسأله واحرجه بس حبيت ارحب بيك لان انت بجد احسن واحد شوفته عنده لباقه فى اجاباته...

وعمره مقبوله ان شاء الله وادعى ليا الله يكرمك....

اخوك:ابو جهاد

قلبى معاك يا اخويا والنبى حاسه بيك بس كلنا لها المهم اخبار الكرسى ايه يارب يا اخويا تكون بخير وكمان اسئله ساره بتاعتى وبتاعتها انا عششتها بس اوعى تقول لحد عشان انا قلتلها سر يلا يا اخويا انا مش هسالك كفايه عليك اسئله ساره بس هفكر وطبعا موافقه انك تقعد اسبوعين كمان مش اسبوع واحد