امتحان الحصول على الجنسية

امتحان السفارة المصرية
للحصول
على الجنسية

صباح الفل
حبيبي العزيز

يشترط لدخول
الإمتحان أن المتقدم يكون معه كل أدواته
اللازمة :

قلم رصاص –
أستيكة (تحسباً للأخطاء الكثيرة) - إثبات
شخصيتك (تذكرة أوتوبيس – مفتاح
الشقة – كارت تليفون مينا تل – عملة
مصرية - أي حاجة)

في حالة لو
احتجت لورقة إجابة زيادة أطلب من المشرف مع
مراعاة عدم كتابة اسمك عليها
(ما هي مش فارقه ها تنجح ها تنجح)

السؤال
الأول:اختار من بين
الأقواس الكلام الصح

1- اللي بنى
هرم خوفو............ .(طلعت مصطفى -
المقاولون العرب - مقاول أنفار -
خوفو)

2- اللي بنى
مصر كان في الأصل......( حلاق - نجار -
تاجر مخدرات - صلاح - حلواني)

3- البرنامج
اللي بيجي ع القناة الأولى كل يوم الساعة
7.00 صباحاً ومحدش بيتفرج

عليه برنامج..
صباح الخير ............ (يا ماما - يا
بابا - يا خالو - يا ريس - يا مصر )

4 - مصر هي أمي
نيلها جوا............(عبي - بطني -
رجلي - جيبي - دمي )

السؤال
الثاني:أكمل الجمل
الآتية بكلام م الآخر

1- انتبه من
فضلك السيارة ترجع إلى............
.......... ...

2- ماما
زمنها............ ......

3- من خلال
تجاربك السابقة...البامبرز استيك
منه............ .

4- طلعت أدّب
نزلت أدّب لقيت الدب بيأزز............

5- اسم والد
اللاعب وائل جمعة الحاج............ ..

ملحوظــــة

- و لو بتشجع
أي فرقة من الفرق الأجنبية 'ريال مدريد
ولا برشلونة ' وحياتك ما إنت واخد
أم الجنسية

السؤال
الثالث:ضع علامة صح أو
علامة غلط أمام الكلام الجاي

1- بابا فين؟؟
.بابا هنا..قوله مين؟؟ قوله عمو ( )

2- الشرطة
دائما في خدمة الشعب ( )

3- أذان المغرب
في رمضان بصوت طارق نور ( )

كل حاجة في
رمضان بصوت طارق نور

4- شاي الجوهرة
حتة سكرة ( )

5- يحكم مصر
النظام الملكي

مع تحيات الكابتن/احمد

ياعم كل ده ان شاء الله هيتغير بقه بعد 25

ابقى قبلنى ياحماده
كله كلام وكل حاجه هترجع اوسخ من الاول
على العموم شكرا على مرورك

ياكابتن احمد

خلينا متفائلين ياعم الحج احنا مش ناقصين

سيبنا حتى نفرح يومين ولا حاجه وال يحصل يحصل بقه بس اهم حاجه ان مهما يحصل مش هيكون اسوأ من ال فات

نــــــــــــــــــورت الدنيا ياحماده
انا من امحظوظين انك تنور موضوعى مرتين

تـــــــــحيــــــــــــاتى لك ولجميع اعضاء المنتدى

ياعم ربنا يبارك فيك يارب
ليه بس كده احنا ولا حاجه ياعم احمد والله بالنسبه ليك

احنا بنتعلم منك والله

ربى يخليك ويكرمك

اكيد ياكابتن
مصر فعلا كانت رخيصة دايما
بس صدقنس مش مصر اللي كانت رخصة لا الحكام اللي كانت ارخص من التراب
علشان كدة مصر مكانش لها اي قيمة بين اي دولة
بارك الله فيك
موضوع رائع للنقاش
وان شاء الله كل حاجة هتتغير

ان شاء الله
نورتى الموضوع وشكرا على مرورك الطيب

» بعد قرار مجلس الوزراء بإعفاء بعض الجنسيات من الحصول على تأشيرة دخول مصر.. خبراء السياحة يتوقعون ارتفاع عدد السياح لـ20 مليون خلال 3 سنوات.. ويطالبون باشتراطات خاصة لـ"إيران" و"باكستان"