ربـاعـيّـة : الـغـُـصـن مــال....( الـــمــــــاكـــــســيــمـــوس )

رُبَـاعِـيَّـة : الـغــُصـن مـَــال

مُهْـداة ٌ إلى صاحِبَتِها

وانا طاير من الفرحه

مَال عليّا غـُصنك

خدتـُه في أحضاني

فسمعت دقات فؤادك

بتبكي

بتصرخ

بتنادي وجداني

عاوزه تقرَّبنا

مش تفرَّقنا

أو تغرَّبنا

علشانك

وعلشاني

فهماني يا روح الروح

ولا

أعيد الشرح من تاني ؟

أقول تاني :

غـُصنِك اللي مَليان عـصافير

وألف عِـش

محفور على جـِذعُه

إبتسامه وقلب ووش

دول ابتسامتي ووشي

وقلبي اللي ما بيغِـش

مِصَدَّقاني يا دُنيتي وناسي

ولا نِسِتيني ..

ونسيتي عـنواني ؟

عـنواني

عـنواني اللي كان

دايما ً نهار وليل

سَنـَدِك وتِـرحَالِك

وكان بيحَنـّي أأقدَامِك

وبترنـّي على دروبه

خـُلخالِك

وكمان بيجري فيه دمِّنا

تصدَّقـي ..

طلب منـّي وصالِك

خلاص مِطـَّمِنه يا زغـروته

ولا

انزل على الأرض من تاني ؟

ومش هقول تاني

مش هقول تاني

مش هقول تاني