M@XIMOUS
المـديـــر
عدد المساهمات : 1100
تاريخ الميلاد : 21/03/1990
تاريخ التسجيل : 05/03/2011
العمر : 34
الموقع : https://myfamilly.yoo7.com/
المزاج : الحمد لله زي الفل
 |  موضوع: ثورةالورد 25 يناير...  الأحد مارس 27, 2011 3:34 pm | |
|
ثورةالورد 25 يناير
شعر/رفاعى عمار
:welcome2:
اهداء
الى أرواح
الشهداء...
الى الأبطال....
أصحاب القرار
الى الصامدين....
الرافضين
الغاضبين....
الى كل المصريين
الشرفاء..
الى أبطال العبور
السياسى...
أسيوط فى السبت(19/2/2011))
..................
(2)
يارياح التغيير
هبى...
لبى..
طوفى..
فى ميدان الحرية...
...............................
فى اليوم الأ ول
من ثورة مصر العربية
وقف الشبان...
كانوا عشرة..
أو عشرين
كانواألفا
أو ألفين
مش عارفين
مش فاهمين
وسألنا :
وكالعادة.....
قالوا مظاهرة....
عا لطمعية...
حالا تخلص .......
وتعدى.............
ونسميها على أغلب ظنى
شلة حرامية........
ما تشيلش الهم يا ريس
شعبنا ..وفاهمينه كويس.. ونام الريس...
(3) 26يناير
فى اليوم الثانى من أيام الثورة
شفنا عزيمة....
اصرار...
وعناد غير المعتاد...
وحشود وجنود...
وغازات وبارود...
واختلط الفول.
بحماس وعقول..!!!!
................
وأنا ظنيت.
انه فيلم من الافلام...
ناس جاءت من أمريكا
وناس تعزف(مزيكا)
ووجوه حلوة ووجوه قبيحة.
معقول..نصحى وننام
ونلاقى ثورة شعبية..
.......
ورجعت امسح دموعى
واقيد من شموعى شمعة
وارسم بسمة
ضاعت من زمان...يمكن تعود..
(4)
آدى الصورة فى الميدان
كبلوا عيونك.....
ولاضحكوا على ذقونك
وشربوا د ماء الشعب
نخب جفونك..
من يحبك
ومن يخونك!
لاتعرف يا بطل الأبطال
.........................
ألم تشاهد الغضب. .فى جمعة الغضب...
وصرخة الثكالى..ولوعة الحيارى
تطلب القصاص
...........
ألم تشاهد الهكسوس
والبقر والجاموس..
تدهس وتدوس
من طلب الحرية
..........................
:أغلقوا الميدان
وسأدلى ببيان..........
ههيهات هيهات
أن يصغى المظلوم للسجان
ضاع الأمن وضاع الأمان..
وخرج الجل من الجرزان..
ليركبواسفينة النجاة...
(5)
:عينا النائب(سلمان)...
يا خسارة..
كل أملنا راح!!!!!!!!!!!...
دفعوا بيه فى محرقة الميدان.
بيحاول.. ويحاور..
لكن صوت الشعب انداح..
والليل أصبح صبح
وزاح....
زاح كل رموز الغمة...
أى وزارة
مش هتطفى لهيب الأمة
.........
اخطب يا مبارك
يمكن يهدا الجو
وتعود المية لمجاريها
كيف!!!!!
والحزب حاميها وحراميها!
السد لما اتهد
مافى حواجز بتلمه
حتى الطفل بيضيع من أمه
.............
ودا شعب....
بيحفر قبره فى الميدان
ولا يهمه...
................
(6)
الخوف من السجان والسجانين
قسم الأمة أمتين...
ويا ويلنا
من المنافقين
حتى فى وزارة الأعلام
.............................
غير ياسيدى(شفيق)
وأنا قلبى عليك شفيق....
عايز جراحين ..وأطباء النفسية
وأمراض المستعصية
وتزيل سرطان..عشعش فينا
أكدب وأقول من (مينا)
وألمنا منا فينا....
.................................
وخطب الريس تانى مرة
والدمعة فى عينى حرة
والدنيا فوضى وفوضة
لجان شعبية
عصابات...وحرامية
ومفيش بكرة.
(ياطيار .ياطيار.....
أوعى تسيبها تولع نار)
وشعار على شعار..........
وخلى الثورة تولع نار!!!!
................................
7 )
اشتباكات وفرار مسا جين
وكرات لهب!!!
منين مش عارفين
وسيارة دبلوماسية
وفوران فى العباسية
و(العادلى) فى الملوخية
وحوار ورا حوار
ولسة الثورة..
قايدة شرار .....
..................
:انا خايف على البلد
هاعمل خريطة
واسجن (عز) و(جرانة)
و(المغربى)
وكل عصابة الخيانة..
وأغير الد ستور.
واكشف المستور...
والشعب عايز دليل.
(اللى اتلسع..فى الشوربة)
يحلم...
ويقسم على الرحيل..
...............................
(8) 4
رشيد فى( دبى) هربان.. فبراير
وعمرو فى الميدان ..
وحرق أمن الدولة فى العريش
واللى يجى فى الريش..........
أمثال وعن جدودنا حفظناها..
..........
وبدأت تختفى مظاهرات التأييد
وبدأ الكيد....
افراج عن الشباب
واتهامات وسباب
وهل أسبوع الصمود..ياأهل الله
وطل علينا الحلو( نصر الله)
وبدا المستور يبان
وكل واحد يصدر بيان
حتى الخايبة..ايران
وكأننا أيتام
..........
عيب ..واتلم
ياللى ما عندك دم ...
المصاريين فى البطن
بتاكل بعضيها
لكن الجسم...هرم
وعد فى مصر كام هرم
.............
(9)
بدأ الأسبوع الثالث للثورة
مليون فى ميدان الشهدا
واسرائيل ضد
وامريكا مع ..
والقاعدة تعلن الجهاد..
على مين وبكام
وتامر حسنى.. أصبح خائن وجبان
اضحك يا زمان
..........
يوم عشرة
أصدر جيش مصر أول بيان
ومبارك فوض(سلمان)
كل دا ما بيروى العطشان
لازم نزحف على القصر...
بعد العصر
..................
(10)
آخر ليلة وتانى بيان
أو استبيان
قال الجيش كلمة حق
شعب بلادى..هو أحق
لازم يعلى ويعلى صوت الحق...
..............
رفعنا ايدينا يوم الجمعة
ودعينا...
يارب...
احرص مصر
دا الأمة عند القصر
وكأنه حشر
حرام حرام
نضيع مصر
....
ضحى ضحى يا طيار
لاجل الأمة تعيش فى أمان
أنت عبرت...
بس نسيت وسط الزحمة
كيلو اللحمة..وهموم الغلبان
.................
ارحل...
اليوم مش يوم الشكاية
ارحل
فقد حسم الشعب الحكاية......
(11)
ارحل قبل (المولد)
دا الشعب بيولد
وكفاية
ارحل..ياما قلوب
ضاعت من حسن لظنك..وأظنك
نسيت العهد
يوم الجمعة.. دمعة نازعة
كان للعزة ...قرار
تحيا الثورة ..وعاش الثوار
.........
ثورة ورد جناين
ميدان التحرير................ | |
|
أوتار الكمان
عضو مميـــــــــــز بمنتدي العائلة
عدد المساهمات : 153
تاريخ الميلاد : 10/10/1989
تاريخ التسجيل : 22/03/2011
العمر : 35
| | موضوع: رد: ثورةالورد 25 يناير... الأربعاء مايو 04, 2011 5:15 pm | |
| ثورة الابطال
تسلم ايدك ياماكس
| |
|
sara sa3d
القلم المتألق
عدد المساهمات : 265
تاريخ الميلاد : 12/12/1992
تاريخ التسجيل : 10/03/2011
العمر : 31
الموقع : https://myfamilly.yoo7.com/
المزاج : الحمد لله 100 / 100
| | موضوع: رد: ثورةالورد 25 يناير... الخميس مايو 26, 2011 10:25 am | |
|
ثورة الشرف
اية الكلام الجميل دا
بجد شهداء الثورة دي يستاهلوا انهم يكونوا اعظم ناس في العالم
يسلموا ماكسيموا
| |
|
حياه الروح
نائبة المدير
عدد المساهمات : 899
تاريخ الميلاد : 05/04/1990
تاريخ التسجيل : 14/03/2011
العمر : 34
الموقع : القاهره
المزاج : تمام الحمدلله
| | موضوع: رد: ثورةالورد 25 يناير... الأحد مايو 29, 2011 2:50 pm | |
| ثوره الشباب
الله يرحم شهدائها
تسلم يا ماكس كلامك جميل | |
|
M@XIMOUS
المـديـــر
عدد المساهمات : 1100
تاريخ الميلاد : 21/03/1990
تاريخ التسجيل : 05/03/2011
العمر : 34
الموقع : https://myfamilly.yoo7.com/
المزاج : الحمد لله زي الفل
| | موضوع: رد: ثورةالورد 25 يناير... الإثنين مايو 30, 2011 12:24 pm | |
| | |
|
