ياترى عارفين الشعور ده !!؟

انا بجد ملقتش غير الكلام ده عشان اقوله عشان اعبر عن اللى جوايا و اللى اعتقد انه نفس الشعور و الاحساس عند ناس كتير اوى

ناس نفسها تقول اللى جواها و مش عارفه

يا ترى عارفين الشعور ده

عارفين لما نفتكر حاجه كده

نحس انها بتشدنا لذكريات

احنا مش عارفين ايه الذكريات دى

بتشدنا لحاجه كده

بحاجه احنا مش عارفنهاا

و ممكن تدخلنا فى شعور كده غريب

حزن مع الم مع فرحه

الشعور ده عارفينو

عارفين لما نسمع اغنيه كده

نلاقى نفسنا بنبتسم من غير سبب

بس جوانا حزين اوووى

و نلاقى شعور بدأ يدخل جوانا احنا مش فاهمينه

و نحاول نفهم ايه ده

وفى الاخر منفهمش

عارفين الشعور ده

طيب عارف لما تروح تقف على البحر كده

وتاخد نفس عمييييق

بعديها تلاقى نفسك بتبتسم

بس جواك حاجه مش قادره تخرج

حاجه يمكن بتقطعك من جوه

و مش عارف تتخلص منها

عارفين الشعور ده

طب عارف لما تبقى لسه صاحى من النوم

اليوم لسه مبداش اهو

وتلاقى نفسك على السرير لسه وغصب عنك تنزل دمعه

ممكن تفضل ساعتين تعيط على المخده

المخده اللى تعبت مننا كل يوم

كل يوم بتحس بينا قبل ما ننام واول ما بنصحى

وبعدها تقوم من على السرير

و محدش يعرف حاجه

عارفين الشعور ده

عارفين لما نكون اصحاب كده متجمعين فى يوم كده

و كلنا مهيسين و بنضحك

و اللى يشوفنا من بعيد لبعيد

يقول الناس دى رايقه وحياتها تمام اوى

و احنا اصلا بنضحك بدل ما نعيط

و محدش حاسس بحاجه

و محدش فاهم حاجه

لا و ايه

محدش هيقدر يوصل

ولا يفهم ولا يحس اللى جوانا

عشان هو جوانا

عارفين الشعور ده

طيب عارفين

لما تكون الساعه 2 بالليل

و البيت كله نايم

بنبقى عايزين نصرخ بأعلى صوت

كفاااااااااااااااايه ......حراااااااااااااااااااااام

بس كفايه ايه..متعرفش

طيب عارفين الشعور ده

لما تكون راجع من يوم سبيشيل اوووووووووى بالنسبه ليك

و ترجع..متحكيش لحد من اللى فى البيت على اللى حصل

و يمكن متحكيش لحد خالص

و يمكن اصلا محدش يسالك

ولا يقولك تعالى يا حبيبى

عملت ايه

احكيلى ابسطنى معاك

تبقى عايز حد جنبك اووووى يفرح معاك كده

بس متلاقيش

و تروح قبل ما تنام تراجع اليوم ده كده

و وتلاقى انه يوم اجمل من رائع

و انت جاى تنام...تقعد تعيط

مع ان فى ناس كتييير يحسدوك على اليوم ده

طيب عارفين الشعور ده

لما تكون عايز تسمع كلمه معينه من شخص معين

كلمه ممكن تكون من حرفين بس

مش صعب عليه يقولها

وتلاقيه ولا بيتكلم

تحس انه تمثال

يبقى نفسك تقوله ما تتكلم بقى

طيب ما هو انا شايفك بتقولها مليون مره

شايفها فى عينيك

حاسسها اوى

عايز اسمعها بقى

قوووووول

اتكلم

و لما يتكلم

تحس انه بيشفق عليك

اوبتشفق عليا...!!!!

طيب لما انت كده

بتحسسنى بيها ليه من الاول اصلا

بتعيشنى فى الشعور ده ليه من الاول

..

و لو للحظات

لما ده مش حقيقه

عارفين الشعور ده

لما تبقى عايز تسمع صوت حد معين اووى

واحشك اوى

عايز تسمع صوته

تطمن عليه

و تفضل مستنى

و مستنى..... ومستنى

و فى الاخر ميتصلش

لاء و بعدين يتصل حد تانى

تقول اخيرا اهو و ترد بلهفة

و تسمع صوت حد تانى

مش ده اللى كنت مستنيه

طيب عارف الشعور ده

لما تبقى قاعد وسط صحابك

وكل الناس اللى بتحبهم

و بيضحكوا و انت كمان بتضحك

و الصوت عالي

بس انت مش معاهم

روحك في مكان تاني

نفسك

تصرخ وتقول

تـعبـــــــــــــــت

طيب عارف الشعور ده

ان الانسان يبقى

مش عارف هو عايز ايه

و لا عارف هو فيه ايه اساسا

و لا عارف ليه كده بيحصل

و الشعور اللى بتحسه دة كلو مش بيتوصف بكلمات اصلا

بيبقى عميق اوووى

بيبقى جاى من جواك اوى

و مش عارف اصلا هو اتولد ازاى جواك

يا ترى عارفين الشعور ده ؟

يارب مايكون مليتم من طول الموضوع

واكون قدرت اوصلكم بعض الشعور والاخساس ليا وليكم

المشكله ان احنا مش عارفين ايه الشعور ده

حتى لو حد عرفه مش هيعرف يعبر عنه

يارب اكون قدرت اقول اللى مش قادرين تقولوه

تسلم يا ماكسيموس وحشنا كلامك

ووحشنا مشركتك معانا

حمدالله على السلامه ويارب تكون احسن وتكون بخير دايما

بجد موضوع جديد ومشوق جدا
تسلمى على الموضوع الجميل ده

بجد موضوع جديد ومشوق جدا
تسلمى على الموضوع الجميل ده

بجد يا ندى موضوع جميل جدا جدا ويستحق التقدير الله يعينك ويوفقك

لما تبقى قاعد وسط صحابك

وكل الناس اللى بتحبهم

و بيضحكوا و انت كمان بتضحك

و الصوت عالي

بس انت مش معاهم

روحك في مكان تاني

نفسك
تصرخ وتقول

تـعبـــــــــــــــت

هو ده احساسي في اكتر الاوقات يا ندى